Wednesday, October 28, 2009

ဆယ်ကျော်သက်ရဲ့ ရည်းစားစာ

စွဲစွဲလမ်းလမ်း ကွေ့ကောက်နေတဲ့ လမ်းပေါ်
တစ်ဟုန်ထိုးမောင်းနှင်ခဲ့တဲ့ စွန့်စားခန်းတစ်ခုကို
အနားကပ်ပြီး မီးနီမပြလိုက်ပါနဲ့ .. ချစ်သူ
ငါဟာ အချစ်မှာ ဘရိတ်ပေါက်နေတဲ့ ကားတစ်စီးပါ။
အချစ်ရဲ့ အနိုင်အရှုံးကို ရွှေဂိုးနဲ့ ဆုံးဖြတ်မယ်တဲ့
ချစ်သူရယ် . .
တစ်ဖတ်သားကို ကိုယ်ယောင်ပြလှည့်စားပြီး
လွတ်လွတ်ကျွတ်ကျွတ်ကန်တင်လိုက်တဲ့ နှလုံးသားကို
အပြိုင်ဂိုးသွင်းဖို့ ခပ်ကြမ်းကြမ်းကစားမိတဲ့အခါ
ငါ့ကို အနီကပ်မပြပါနဲ့။
ငါ့တစ်ယောက်ထဲ အခန်းထဲမှာ . .
မင်းအကြည့်ရောင်စုံကို နံရံမှာ ခြယ်သရင်း
မင်းအပြုံးပွင့်တွေ တမ်းတမ်းတတ ပန်းလိုတွဲသီရင်း
မင်းရဲ့ ကိုယ်ဟန်လေးတွေ ငါ့မှန်ပြတင်းမှာ အရိပ်ထိုးရင်း
ငါမော့သောက်ခဲ့ဖူးတဲ့ မင်းရနံ့တွေ
ငါမေ့လျော့ခဲ့တဲ့ မင်းမျက်ဝန်းထဲက နေ့များစွာ
ငါနစ်မြုတ်ခဲ့တဲ့ မင်းရယ်သံထဲက နာရီများစွာ
မင်းလက်ဖမိုး သွေးကြောစိမ်းလေးတွေက တစ်ဆင့်
ငါ့နှလုံးသားထဲ ပြင်းပြင်းပြပြ စီးဆင်းသွားကြပေါ့။
ဒါတွေအားလုံးဟာ
ကမ္ဘာလဆန်းတစ်ရက်နေ့အထိ
ရေးနေမိဦးမယ့် ငါ့ဒိုင်ယာရီပါ။
ဘယ်မှာလဲဟင် . .
မင်းရဲ့ ငဲ့ကြည့်ညှာတာ အကြင်နာ . .
ဒါဟာ
အရိုးမရှိတဲ့ လျှာပေါ်က
ကယောင်ကတမ်းစကားတွေ မဟုတ်ပါဘူး
သွေးအက္ခဂာနဲ့ ထုဆစ်ထားတဲ့ စကားတွေပါ။
ငါ့အစွဲအလမ်းလေးရေ . .
နေရာတကာမှာ ခေါင်းမာခဲ့ပြီး
အသည်းမာတယ် ခံနိုင်ရည်ရှိတယ်လို့
ကိုယ့်ကိုယ်ကို အထင်ကြီးခဲ့တဲ့ကောင်ကို
မင်းရင်ခွင်မှာ . . ဒီတစ်ခါတော့
နှစ်နှစ်ကာကာ ကျဆုံးခွင့်ပေးပါ။
(အချစ်ကိုယ်စားပြုဝါကျများ)
သျှီသူအောင်

Friday, October 9, 2009

ဆာမူရိုင်း သီချင်း

ငါ့မှာ အမိုးမရှိတုန်းက
ရဲတင်းခြင်းကို ငါ အမိုးလုပ်ခ့တဲ ယ်။
ငါ့မှာ ညဥ့်နက်စာမရှိခဲ့တုန်းက
ငါ့မျက်လုံးတွေဟာ ညစာစားသောက်ခဲ့ကြတယ်။
ငါ့မှာ မျက်စိ မရှိခဲ့တုန်းက
ငါ နားစွင့်ခဲ့တယ်။
ငါ့မှာ နားမရှိခဲ့တုန်းက
ငါ စဉ်းစားတွေးခေါ်ခဲ့တယ်။
ငါ့မှာ စဉ်းစားတွေးခေါ်မှု မရှိခဲ့တုန်းက
ငါ စောင့်နေခဲ့တယ်။
ငါ့မှာ အဖေမရှိခဲ့တုန်းက
စောင့်ရှောက်ခြင်းက ငါ့အဖေလုပ်ခ့တဲ ယ်။
ငါ့မှာ အမေမရှိခဲ့တုန်းက
စည်းစနစ်ရှိခြင်းကို ငါ ထွေးပွေ့ ခဲ့တယ်။
ငါ့မှာ မိတ်ဆွေ မရှိခဲ့တုန်းက
တိတ်ဆိတ်မှုဟာ ငါ့မိတ်ဆွေ။
ငါ့မှာ ရန်သူ မရှိတုန်းက
ငါ့ကိုယ်ခန္ဓာ ငါ ပြန်ဆန့်ကျင်ခဲ့တယ်။
ငါ့မှာ ဝတ်ပြုကျောင်း မရှိခဲ့တုန်းက
ငါ့စကားသံဟာ ငါ ဝတ်ပြုရာကျောင်း။
ငါ့မှာ ဘုန်းတော်ကြီးမရှိ
ငါ့လျှာဟာ ဓမ္မတေးသံစုံအဖွဲ့ ။
ငါ့မှာ ငွေကြေး မရှိခဲ့တုန်းက
ကံကြမ္မာဟာ ငါ့ငွေကြေး။
ငါ့မှာ ဘာတစ်ခုမှ မရှိခဲ့တုန်းက
သေခြင်းတရားဟာ ငါ့ကြွယ်ဝမှု။
လိုအပ်ချက်ဟာ ငါ့နည်းဗျူဟာ
သံယောဇဉ်ကင်းခြင်းဟာ ငါ့ မဟာဗျူဟာ။
ချစ်သူရည်းစား မရှိခဲ့တုန်းက
ငါ့အိပ်စက်ခြင်းကိုပဲ ငါပိုးပန်းခဲ့တယ်။
samurai song ....ရောဘတ် ပင်စကီး (Robery Pinsky)
ဇေယျာလင်းဘာသာပြန်ဆိုသည်