*တော်လှန်ရေးနေ့ ဆုတောင်း*

ဆရာ ဇော်ဂျီရဲ့ တော်လှန်ရေးနေ့ဆုတောင်း ဆိုတဲ့ ကဗျာလေးပါ .. လူတွေအားလုံးကို တပြေးညီ မေတ္တာထားတတ်တဲ့ ဆရာရဲ့ စိတ်ထားလေးကို ဖော်ပြထားတဲ့ ကဗျာလေး ၁ ပုဒ်ပါ .. ။

*တော်လှန်ရေးနေ့ ဆုတောင်း*

ငါ့ညီပြောင်းဝင်း၊ မောင်သစ်ဆင်း
သင်းတို့စိတ်ပြောင်း၊ တို့လည်းပြောင်း၏
မကောင်းအစ၊ နှောင်းမလှ
အကြောင်းပြကြ၊ တပေါင်းလ
ကဇောင်းကထ၊ ခတောင်းမ။

ထိုသတင်းကြောင့်
မြို့တွင်းတပ်စွဲ၊ နိပွန်ရဲတို့
မြို့ထဲသူ့တပ်၊ မြို့ကိုပတ်၏
လှံစွပ်နေရောင်၊ တပြောင်ပြောင်နှင့်
အပေါင်အားရင်း၊ အသံပြင်းနှင့်
နင်းမှနှိမ်မှ၊ စစ်မာန်ပြ၏။

“အာရှလူငယ်၊ လူမမယ်တို့
အံ့ဖွယ်နေနီ၊ တို့စစ်သည်ကို
ရုံးရည်ဖက်ပြိုင်၊ ဘယ်ခံနိုင်အံ့”
လှန့်လည်းလှန့်၏
မဟန့်စတောင်း၊ အဟန့်ကောင်းတို့
ကဇောင်းရွာဆီ၊ တိုက်မည်ချီသော်
မြို့ပေါ်ကျန်ရှိ၊ မိရင်းဖရင်း
သားချင်းဘ၀၊ ကြင်နာစတို့
ညှိုးလျမျက်နှာ၊ မသာယာကို
ငါလည်းမြင်မိ၊ မခံချိ။

တစ်ရက်နှစ်ရက်၊ သုံးလေးရက်တည့်
ငါးရက်ကကျွံ၊ ခြောက်ရက်လွန်တည့်
နိပွန်တပ်ခေါက်၊ ပြန်မရောက်ခဲ့
နောက်ထပ်တစ်ဖန်၊ ဆယ်ရက်လွန်လည်း
နိပွန်ခြေရာ၊ တက်မလာခဲ့။

“ကြားပါလေစ၊ အိုမမတို့
မိုးကျလက်နက်၊ လူငယ့်လက်တွင်
စကြာနေနီ၊ ကဇောင်းဆီဝယ်
ချီသမျှမြုပ်၊ တပ်မရုတ်ဘဲ
အပြုတ်ခံကြ၊ ဇာနေယျ” ဟု
ချီးပစကား၊ ကြားလိုက်ရသော်
မြို့တော်တိုကျို၊ မြို့ထိုထိုက
အိုအိုမင်းမင်း၊ မိရင်းဖရင်း
သားချင်းကစ၊ အိမ်ရှင်မတို့
ညှိုးလျမျက်နှာ၊ မသာယာကို
ငါ့မှာတွေးကြည့်၊ ကြေကွဲမိ။

ငါ့ညီပြောင်ဝင်း၊ မောင်သစ်ဆင်း
သင်းတို့စိတ်ဝယ်၊ နယ်ချဲ့စိုးမိုး
မုဆိုးစင်စစ်၊ မဖြစ်စေချင်
ငါတို့တွင်လည်း၊ ဘ၀င်မကျ
ဘ၀မပြောင်၊ သားကောင်စင်စစ်
မဖြစ်စေလို၊ ကွင်းရလို၏။

ကြာညိုငါးခိုင်၊ အမွှေးတိုင်နှင့်
ညွတ်ယိုင်ဆုခြွေ၊ အမျှဝေသည်
မွေတော်တိဂုံရိပ်မှာတည်း။ ။

ဆရာဇော်ဂျီ