သိုးကျောင်းသားအချစ်

ကြေကွဲစွာ နားလည်ခဲ့တယ်
အချစ်ဆိုတာ
ရက်စက်တဲ့ နတ်ဖုရား
တောမှာဖွားလို့
ခြင်္သေ့မရဲ့ နို့စို့ပြီး
ကြီးပြင်းလာသူပါလားကွယ်။

သူ့ရဲ့ တောက်ပတဲ့ မီးလျှံ
ငါ့ကို ရိုးတွင်းခြင်ဆီအထိ
လောင်ကျွမ်းစေခဲ့တယ်။

ညမျက်ခုံးအောက်က
စူရှမာကြောတဲ့ အကြည့်နဲ့ ကြည့်သူရယ်
မင်းရဲ့ သိုးကျောင်းသားရင်ခွင်
တစ်ခါလောက် ပြန်ဝင်ပါဦးလား
တစ်ခါလောက် နမ်းပါဦးလား
ဪသာ်.. အချည်းနှီးအနမ်းဆိုတာလဲ
ကြည်နူးမှုကို ပေးစွမ်းတာပါပဲ
ရက်စက်တဲ့မိန်းကလေးရယ်..။

သီယိုကရီးတပ်စ်
(ဘီစီ ၃၀ဝ-၂၅၀ခန့်)

အခန်း

အခန်းဟာ
ကုဗတုံးဆန်ဆန်ပဲ
သူ့ကိုသူ အလုံပိတ်ထားတယ်။
အခန်းနံပတ်
ဘယ်လောက်လဲလို့ မမေးနဲ့တဲ့
သတ်မှတ်ချက်တွေနဲ့ သူမရပ်တည်ဘူးဆိုပဲ။
အခန်းထဲမှာ
ဖရိုဖရဲဖြစ်ခြင်းအနုပညာဟာ
လှပစွာ ...
လိပ်ပြာသန့်စွာ ...
နေထိုင်တယ်။
အခန်းထဲမှာ
လခြမ်းကွေးလေးခပ်ပျပျ သာနေတယ် ...
လခြမ်းကလေးပေါ်မှာ လူတစ်ယောက်
ငါးမျှားချိတ်တစ်ချောင်းနဲ့
တစ်စုံတစ်ရာကို သူ မျှားနေရဲ့ ...။
သူမျှားနေတာ ငါးတစ်ကောင် မဟုတ်တာတော့
သေချာတယ် ...
သူမျှားနေတာ
ပန်းတစ်ပွင့်ကိုလား
လွင့်နေတဲ့တိမ်တစ်အုပ်ကိုလား ...
ဗင်းဆင့်ရဲ့နားရွက်တစ်ဖက်ကိုလား ...
ဒါမှမဟုတ်
နောက်ထပ်အခန်းတစ်ခုလား...။
မျိုးတေဇာမောင်
စတိုင်သစ်၊ စက်တင်ဘာ ၂၀၀၄

ကျွန်တော်၏ တိမ်များ၊ နာရီများ

အလယ်ရိုးမပေါ်မှာ ကျပျောက်ခဲ့တယ်...။
လူတွေကြားက
အေးခဲနေတဲ့ ပင်လယ်ကိုထုခွဲဖို့
"ကပ်ဖကာ"စာရေးခဲ့တယ်၊
ကျုပ်တို့ရဲ့ အတတ်ပညာတွေဟာ
လူမသမာရဲ့လက်ထဲက ပုဆိန်လိုဖြစ်သွားရတာ
ဝမ်းနည်းတယ် - တဲ့ (အိုင်စတိုင်း)
ဟုတ်ကဲ့.....
ကျွန်တော်ရဲ့ တိမ်တွေ၊ နာရီတွေကတော့
ရိုးမပေါ်မှာ ပျောက်ဆုံးခဲ့ပြီ...၊
ယုဇနစံပယ်ပွင့်ကလေး တစ်ပွင့်လည်း
ပါဂျဲရိုးပေါ်မှာ ပျောက်ဆုံးခဲ့သတဲ့။
ရေဂင်...ကိုတော့
အမေရိကန်ပညာတတ်တွေက
မကြိုက်ကြဘူး...ဆိုပဲ
ွှwhy ? ဘာကြောင့်
ရေဂင်ဟာ ကြော်ငြာနဲ့ "စား"လို့တဲ့
ဟောဒီ.....
ကြော်ငြာခေတ်၊ ကြော်ငြာကမ္ဘာကြီးထဲမှာ
အမှန်တရား  "နစ်" သွားမလား
တိမ်များ၊ နာရီများ၊ စံပယ်ပွင့်များ
ကျန်းမာပါစေ.....။

ကဗျာ စတိုင်သစ် 2004 ၊ စိုးမြင့်သိန်း

ကျနော်မဖြတ်သန်းခဲ့ရသော ခုနှစ်များ

ဒုဋ္ဌဝတီ မြစ်ကမ်းပါးပေါ်က
ငါ ကြည့်နေခဲ့တယ်။
စစ်ကိုင်းတံတားကြီးရဲ့ အောက်မှာတော့
ဧရာဝတီရဲ့မြစ်ရေတွေ စီးမျောသွားခဲ့ပြီ
လီနီယာလား၁၊ နန်းလီနီယာလား၂ ငါမသိ။
ဧရာဝတီဖြတ်သန်းခဲ့သမျှ ခုနှစ်တွေဟာလည်း
ဘင်္ဂလားပင်လယ်အော်မှာ စီးမျောကုန်ကြပေါ့။
ရင်ဘတ်ကြီးနဲ့စိုက်ပျိုးခဲ့ရတဲ့ အိပ်မက်တွေဟာလဲ
စစ်ပြီးခေတ်ကနာရီချိန်သီးတွေလို မောပမ်းနွမ်းနယ်လို့။
ငါ့ကျောကိုလှန်မကြည့်လိုက်ပါနဲ့
(တဆိတ်သီးခံပါ)
ပန်းဖြစ်သွားတဲ့ ဒဏ်ရာဒဏ်ချက်တွေ
နေလောင်မှာ စိုးလို့ပါ
မိုးကောင်းကင်ကြီးပြိုကျမလာခင်တော့
ဒီကောင် (မောင်သင်းဝေ) သီချင်းဆိုနေပါဦးမယ်
ဟော .....
မကြာခင်မှာ နွေဦးရောက်ပြီလေ။ ။
မောင်သင်းဝေ
၁။ linear
၂။ nonlinear

Cyber love

လူ၏သမိုင်းအကျဉ်း

ရေတွေလို စုစည်းကြ
ရေတွေလို စီးဆင်းကြ။
အများသုံးတယ်လီဖုန်း
အများသုံးအိမ်သာ
အများသုံးစကားလုံး
အများသုံးပန်းခြံ။
တိမ်တွေလိုဆင်တူကြ
တိမ်တွေလိုသဏ္ဍာန်ကွဲကြ။
မုဆိုးက စိုက်ပျိုးသူ
စိုက်ပျိုးသူက ကျေးကျွန်
ကျေးကျွန်က အလုပ်သမား
လေးမြားတွေ၊ ထွန်သွားတွေ
ပိရမစ်တွေ၊ ချွေးစက်တွေ
စစ်ပွဲတွေ၊ ဝါဒတွေ။
မီးလျှံလိုကူးစက်ကြ
ပြီးတော့...
မီးလျှံလိုငြိမ်းသေကြ။ ။
သစ္စာနီ

ခါတွန်ရင်ယာထွန်လို့ကောင်းသတဲ့

ခါတွန်သံကြားနေရပြီ...။
ဒီဒေသ ဒီနေရာ
တမာမရှိ ယာမရှိ
ဘယ်ကိုကြည့်ကြည့်
ကြည့်လေရာ တိမ်တွေဆို့
ညို့ခနဲဆို မိုးရွာချတတ်တဲ့နေရာ
ဒီနေရာ ဒီဒေသ
အညာမဟုတ်
ခါညိုရယ် ဘာလုပ်နေသလဲ...။
တို့ဒေသ တို့အညာ
တိမ်ဝါတိမ်နီ
ယာပန်းချီနဲ့
ဘယ်ဆီကိုသွားသွား
ဘယ်နားက တွန်တွန်
ခါတွန်ရင်
ယာထွန်လို့ကောင်းသတဲ့
ထနောင်းလဲ မမေ့ပါနဲ့
ချောင်းအကွေ့ ယာအနီးဆီသို့
ခါညိုရယ် - ပြောင်းရွှေ့ပါလား...။ ။
မောင်လင်းကြည်
စတိုင်သစ် စက်တင်ဘာလ ၂၀၀၄