ငါး

တစ်ဘဝလုံးလုံးလိုမျှားနေခဲ့
ငါးရယ်လို့တစ်ကောင်တစ်လေမှမမိ
ကြည်စမ်း၊မိမယ့်မိတော့
စကြာဝဠာကြီး အပေါ်ကိုဆွဲတင်လိုက်တော့
ငါ့ ငါးမျှားတံဟာ ကိုင်းညွှတ်ပြီး
သက်တံဖြစ်သွား
ငါ့ ကိုပြန်မျှားခဲ့ပေါ့ ။ ။
မောင်ချောနွယ်

အမည်မဲ့

မိုနာလီဇာသို့ ရင်ဖွင့်ခြင်း

ဟုတ်တယ်
မိုနာလီဇာ
အချစ်ဆုံးပါလို့
စကားလုံးတွေ မတပ်ချင်ဘူးကွယ်။
မင်းအပြုံးတွေ
ဆွတ်ယူဖမ်းစားခဲ့ လို့
အလင်္ကာနဲ့ သင်္ခါရ
ပျက်လုံးထုတ်ခံရပေါင်းလဲ .. များပြီ။
ညီမျှခြင်းတွေထဲက
မညီမျှခြင်းတွေအတွက်
သိမ်မွေ့စွာ ကြိုးစားပါရစေ
ငါ့ဝိဥာဉ်တွေ .. မသန့်စင်တော့ဘူး။
မိုနာလီဇာ
ခံစားမှု စစ်စစ်ထဲကို
တိုးဝင်ငြိတွယ်ရင်း
ချိန်ခွင်ငြှာ ညှိတဲ့ ခဏ
ဟိုး ... ဝေးဝေးမှာ ပြေးထွက်စွန့်ခွာ
ကျောခိုင်းထားလိုက်စမ်းပါ။
ဒီမှာ
မိုနာလီဇာ
မပြတ်သားခြင်းတွေနဲ့
ယဉ်ပါးခဲ့ လို့
အသည်းနှလုံးဆိုတဲ့ တန်ဘိုးဟာ
အမြဲတမ်း ဆုံးပါးခဲ့ ရတယ်
အညတရရဲ့ အတ္တအတွက်
ဘဝမှာနေပျော်ဖို့
ဖျော်ဖြေရေး တေးတစ်ပုဒ်
အဟုတ်ကို
နားမထောင်ချင်ဘူးကွယ်။
ဒါပေမယ့်
ရာစုများစွာရဲ့
ဂြိုလ်နက္ခတ်တွေ ဖြတ်သန်းရင်း
ချေးညှော်ညစ်ထပ်
ထုံထိုင်းလေးလံလွန်းလို့
သတ္တုသံပေါက်နေတဲ့
ငါ့အသံနက်နက်နဲ့
ဟစ်အော်လိုက်တော့မယ်
မင်းအပြုံးတွေ .. ရုတ်သိမ်းပေးပါ
မိုနာလီဇာ
ငါ ...
ပြတ်..သား ..ချင် ..တယ် ။

နေဆူးသစ်

အေးစက်စက် မီးလျှံ

မရွာဖြစ်သေးတဲ့ မိုးရေတွေ
လေးလံနေတဲ့ ငါ့ကောင်းကင်
တိမ်တိုက်တွေ အထပ်ထပ်။

ငါ့ရဲ့ အခွံသက်သက်မီးအိမ်မှာ
ထွန်းညှိမယ့် ပန်းတစ်ပွင့်
မင်းမဖြစ်သေးသမျှ
အထီးကျန် ဆန်နေရဦးမယ်။

... ... ဆန်းကြယ်စွာ
(ဒါမှမဟုတ်) ရိုးစင်းစွာ
မင်း သိလာပါလိမ့်မယ်။

ငါ့ရင်ပြင်တစ်ခွင်လုံး
မငြှိမ်းရက်တဲ့မီးတွေ
မြင်ရင်တောင် ငဲ့ညှာမနေပါနဲ့
လောင်ကျွမ်းခြင်း မင်းအတွက်မို့
ငြိမ်းအေးမှုလို့ ငါမှတ်ယူပါ့မယ်။

မင်းမျက်ဝန်းရဲ့ မြားတစ်စင်း
ငါ့စိတ်ကို ညှို့ငင်
စကားလုံးတွေ
ငါ့နှုတ်ခမ်းများကို တံခါးခေါက်နေပြီ။

ရိုးဖြောင့်တဲ့ မြစ်တစ်စင်းပမာ
တည်ငြိမ်လွတ်လပ်စွာ
စီးဆင်းလာခဲ့သမျှ
ငါ မြိုသိပ်ခဲ့ရတာတွေ
မင်းကိုနွေးထွေးစေနိုင်ပါ့မလား...။

ငါခံစားရသမျှ
မင်းခံစားနိုင်မယ်ဆိုရင်
ဒီလောက်ထိခြောက်သွေ့နေမယ်မထင်ဘူး
ငါ့ရဲ့နက်ရှိုင်းမှုကို
မင်းနားမလည်နိုင်သေးလေတော့
မင်းရဲ့မီးလျှံက အေးစက်စက်။ ။

တင်မင်းထက်
(၀ိညာဉ်ပြာတို့ မိုးကောင်းကင်၊ ၁၉၉၂)