ဘောင်းဘီဝတ်မိုးတိမ် ( ၁ )

ဒါ ငှက်ဖျားငန်းဖမ်း ဇာတ်လို့များ ထင်ကြသလား။
ဒါ ဖြစ်ခဲ့တယ်။
ဩဒိဆာမှာ ဖြစ်ခဲ့တယ်။
]လေးနာရီမှာ လာခဲ့မယ်}တဲ့ မာရီယာက။
ရှစ်
ကိုး
တစ်ဆယ်။
ညနေခင်းလဲ
ညရဲ့ ကြောက်ဖွယ်မှုဆီ
ပြတင်းပေါက်က ထွက်ပြေးပေါ့၊
မှိုင်းညို့၊
ဒီဇင်ဘာပီလို့။
အိုမင်းမစွမ်း ကျောပြင်နောက်မှာ ဟားတိုက်
ရယ်မောရစ်ကြပြီ။
ဖယောင်းတိုင်တွေ။
ကျုပ်ကို အခု မှတ်မိနိုင်ကြမယ် မဟုတ်ဘူး
အကြောပြိုင်းပြိုင်း အစုအပုံကြီး။
ညည်းညည်းညူညူ
တွန့်တွန့်လိမ်လိမ်နဲ့
ဘာများ ဒီအသားတုံးက လိုချင်ပါလိမ့်။
အသားတုံးကလဲ အများကြီး လိုချင်ပေရဲ့။
ငါ့အဖို့ အရေးမကြီးပါဘူး
ငါ့ကိုယ်ငါဟာ ကြေးဝါနဲ့ လုပ်ထားတာ၊
နှလုံးသားဟာလဲ အေးစက်စက်သံထည် ဖြစ်နေနေ။
ညမှာ ကိုယ့်အသံက
ပုန်းချင်ရဲ့ နူးညံ့ရာမှာ၊
မိန်းမ ဆန်ရာမှာ။
ဒီလိုနဲ့ ခု
အစုအပုံကြီး
ပြတင်းပေါက်မှာ ခါးကုန်းကုန်း၊
ပြတင်းမှန်မှာ နဖူးနဲ့လူလာနေပေါ့။
ချစ်ခြင်းမေတ္တာ ရမယ်လား၊ မရဘူးလား။
ဘယ်လိုမျိုးလဲအကြီး
ကြီးလား သေးသေးမွှားမွှားလေးလား။
ဒီလို ကိုယ်ခန္ဓာမျိုးမှာ ဘယ်ကြီးကြီးမားမား
ရမလဲ။
သေးသေးမွှားမွှားပဲ ဖြစ်မှာပေါ့။
နုံချာချာ အချစ်ပေါက်စလေး နေမှာပါပဲ
သူက မော်တော်ကားဟွန်းသံကို လန့်တတ်တယ်။
မြင်းချူသံကိုမှ ချစ်သတဲ့။
ဆက်လို့ဆက်လို့သာ
မျက်နှာကို မိုးရဲ့
ကျောက်ပေါက်မာမျက်နှာထဲ မြှုပ်ရင်း၊
စောင့်နေမိတယ်၊
မြို့တော်ဒီလှိုင်းရဲ့ အော်သံရဲ့ အပက်ခံရင်း။
ဓားကို မြှောက်ချီလို့ သန်းခေါင်
လိုက်မီလာပေါ့၊
ခုတ်ထစ်ချေပေါ့-
ဟိုမှာ သူ။
တစ်ဆယ့်နှစ်နာရီ ကျလာပေါ့၊
စဉ်းနှီးတုံးပေါ်က မင်းပြစ်ဒဏ်ခံရဲ့ ဦးခေါင်းလို။
မှန်ချပ်တွေပေါ် မဲပြာပြာ မိုးစက် မိုးပေါက်များ
အော်မြည်ကြွေးနေကြ၊
မဲ့ရွဲ့ရွဲ့မျက်နှာထားတွေ စုပုံလို့ ထားကြ
ပါရီက မယ်တော်မြတ် ဘုရားကျောင်းမှာ
ဘီလူးရုပ်တွေ အူနေကြသလိုပ။
သောက်ကျိုးနဲ။
ဘယ့်နှယ်၊ ဒီလောက်နဲ့ မတော်သေးဘူးလား။
မကြာခင် ကွေးကွေးလေး နှုတ်ခမ်းက ရွဲ့လာခဲ့။
ကြားရတယ်..
တိုးတိတ်တိတ်
လူမမာ ခုတင်ပေါ်က
နာဗ်ကြော ခုန်ထလေပေါ့။
ပြီးတော့
ပထမ မရွေ့သလိုလို
ရွေ့သလိုလို
နောက်တော့ ထပြေးလေရဲ့၊
စိတ်စက် လှုပ်ရှားလို့၊
တဒုတ်ဒုတ် မြည်လို့။
ခုတော့ သူရယ် အသက်နှစ်ခုရယ်၊
အရူးအမူး ထကြွခုန်ပေါက်ကြပေါ့။
အောက်ထပ်မှာ အင်္ဂတေ ပြိုကျလေပေါ့။
နာဗ်ကြောတွေ
အကြီးကြီးတွေ
အသေးလေးတွေ
အများကြီးပဲအရ
ူးအမူး ခုန်ကြပေါက်ကြ၊
ခုတော့
နာဗ်ကြောရဲ့ ခြေတွေ ပုံလဲကျကုန်တော့တယ်။
အခန်းထဲမှာ ညဟာ စေးပျစ်စေးပျစ်လို့
လာတော့တယ်။
ရွံ့စေးထဲကတေ လေးလံတဲ့ မျက်လုံးကို
ဆွဲနှုတ်လို့ မရဘူး။
တံခါးတွေ ဗြုန်းဆို သွားချင်ကြိတ်ကြ
တကထဲ ဟိုတယ်မှာ သွားချင်သွား ထိမရသလိုပဲ။
မင်းဝင်လာတယ်
]ကိုင်း-ရော့}ဆိုသလို ဗြုန်းစားဟန်မျိုး၊
ဆိတ်ရေလက်အိတ်လေးတွေ နှိပ်စက်ရင်း
ပြောပြတယ်
]သိပဘား
ကျွန်မ လက်ထပ်တော့မယ်}တဲ့။
ဒီလိုလား၊ လုပ်ပေါ့လေ။
ကိစ္စမရှိပါဘူး။
စိတ်တင်းပါ့မယ်။
ကြည့်လေ-တည်ငြိမ်နေပုံများ။
လူသေကောင်ရဲ့
သွေးခုန်ပုံမျိုးပ။
မှတ်မိသေးလား။
မင်း ပြောခဲ့တာတွေ
]ဂျက်လန်ဒန်၊
ငွေ၊
အချစ်၊
ရမ္မက်}တဲ့
ငါ တစ်ခုပဲ မြင်မိတယ်
မင်းဟာ ဂျီယကောန်ဒါ၊
ခိုးယူမှ ရမယ့် သူပဲ။
ခိုးယူသွားကြပြီပေါ့။
တစ်ခါ ချစ်စိတ်မွှန်လို့ ကစားဖက်
လိုက်ဦးတော့မယ်။
မျက်ခုံးကွေးတွေ မိးလျှံနဲ့ ဝင်းလက်လို့ပေါ့။
ဒီတော့ကော။
မီးလောင်ပျက်ယွင်း အိမ်ထဲမှယ
တစ်ခါတလေ အိုးမဲ့ အိမ်မဲ့ တေလေတို့ နေကြသပ။
ပြောင်လှောင်ကြတယ်လား။
]သူတောင်းစားရဲ့ ပြားစေ့ထက်တောင်
မင်းရူးသွပ်မှုရဲ့ မြတွေက အဖိုးနည်းလေရဲ့}တဲ့။
မှတ်မိကြရဲ့လား။
ဗဲဆုဗိယုစ်ကို ပြောင်လှောင်ကြတဲ့အခါ
ပေါမ်ပဲယီ ပျက်သုန်းခဲ့ရတာကော။
ဗျိုး။
အမျိုးကောင်းသားတို့။
သာသနာထိပါးမှု၊
ရာဇဝတ်မှု၊
သတ်ဖြတ်မှုတွေကို
မြတ်နိုးသူကြီးတို့
ကြောက်စရာ အကောင်းဆုံးကို
မြင်ဖူးကြရဲ့လား
ကျုပ်
လုံးလုံးလျားလျား ငြိမ်ဆိတ်
နေတဲ့အခါ
ကျုပ်မျက်နှာလေ။
ထင်ပါတယ်လေ
]ကျုပ်}ဆိုတာ
ကျုပ်အဖို့ သေးငယ်ပါတယ်။
တစ်စုံတစ်ဦး ကျုပ်အထဲက ချိုးနှိမ်မရ
ထွက်လာလိမ့်မဗျ
ဟယ်လို။
ဘယ်သူစကား ပြောနေပါလဲ။
မေမေလား။
မေမေ။
မေမေ သားတော့ လှလှပပ ဖျားပေါ့။
မေမေ။
သူ့နှလုံးသားကို မီးလောင်နေပြီ။
ညီမလေး ယျူဒ်နဲ့ အော်လျာကို ပြောလိုက်ပါ..
သူလွတ်လမ်း မမြင်တော့ဘူးလို့။
စကားလုံးတိုင်းဟာ
ပြက်လုံးတောင်မှပဲပေါ့
ပူလောင်ကျွမ်းနေတဲ့ ပါးစပ်က
သူ အန်ထုတ်လိုက်သမို့
ထိုးထွက်လာလိုက်တာ ဝတ်လစ်စလစ်
ပြည့်တန်ဆာမ
မီးလောင်နေတဲ့ နတ်နန်းထဲက ပြေးထွက်လာသလိုပ။
လူတွေ အနံ့ခံနေကြတယ်..
ညှော်စော်နံသဟ။
ဘယ်သူတွေမှန်း မသိရောက်လို့လာ
ပြောင်ပြောင်လက်လက်ပဲ။
ဘွတ်ဖိနပ်တွေနဲ့ မရဘူး။
မိးသတ်သမားတွေကို ပြောလိုက်ပ..
မီးလောင်နေတဲ့ နှလုံးသားပေါ် အနမ်းနဲ့
တက်ရတယ်လို့
ကျုပ်ဘာသာပဲ လုပ်မယ်။
မျက်ရည်ရွှဲ မျက်လုံးတွေကို စည်းပိုင်းတွေနဲ့
စုတ်ယူမယ်။
နံရိုးတွေပေါ် မှီထားပါရစေ။
ခုန်လိုက်မယ်။ ခုန်လိုက်မယ်။ ခုန်လိုက်မယ်။
ခုန်လိုက်မယ်။
ပြိုကျကုန်ပြီ။
နှလုံးထဲက ခုန်ထွက်မရပါလား။
လောင်ကျွမ်းနေတဲ့ မျက်နှာပေါ်မှာ
အက်နေတဲ့ နှုတ်ခမ်းကနေ
မီးသွေးဖြစ်နေတဲ့ အနမ်းကလေး
ထွက်ပြူလာလေရဲ့။
မေမေ
ကျုပ်တေးမသီနိုင်တော့ဘူး
နှလုံးသားရဲ့ ဘုရားကျောင်းထဲ တေးအဖွဲ့
မီးစွဲလောင်ခဲ့။
မီးလောင်နေတဲ့ အဆောက်အဦးထဲက
ကလေးများနှယ်
ဦးခေါင်းခွံထဲက
မီးသင့်စကားလုံးနဲ့ ကိန်းဂဏန်း အရုပ်များ။
အဲသလိုနဲ့ ကြောက်ရွံ့စိတ်ဟာ
ကောင်းကင်ကို လှမ်းကိုင်ဖို့
မြှောက်ချီခဲ့သပ
]လူဇီတာနီယာ}ရဲ့ လောင်ကျွမ်းနေတဲ့ လက်များ။
အိမ်ခန်း ဆိတ်ငြိမ်မှုထဲမှာ
လူတွေ တုန်တုန်ရီရီ
မျက်လုံးတစ်ရာ အလင်းဆိပ်ကမ်းကနေ
ဆုတ်ဖြဲနေပေါ့။
နောက်ဆုံးအော်သံတို့
ယုတ်စွအဆုံး အသင်
ငါ မီးလောင်ခဲ့ကြောင်း ရာစုနှစ်အဆက်ဆက်
အော်ရစ်တော့။

ဘောင်းဘီဝတ်မိုးတိမ်

ကမ္ဘာကျော် ရုရှား ကဗျာဆရာကြီး မာယာကော့ဗ်စကီးရဲ့ ဘောင်းဘီဝတ်မိုးတိမ် ဆိုတဲ့ ကဗျာရှည်ကြီးပါ .. ။
မြန်မာကျော် ဆရာမောင်သာနိုးက ဘာသာပြန်ပြီး ကျူးပစ်ဖိုရမ်မှ မန်ဘာ nickybuddy မှတဆင့် ရရှိပါတယ် . ခံစားကြည့်ကြပါ .. ။

ဘောင်းဘီဝတ်မိုးတိမ်
စကားချီး
အဆီပြန်ဆိုဖာပေါ် ဝ၀ပြဲပြဲ လက်ပါးစေလို
နူးညံ့ပျော့အိ ဦးနှောက်ထက်မှာ အိပ်မက်မက်နေတဲ့
ခင်ဗျားတို့ရဲ့ စိတ်ကူးကို
သွေးစွန်းတဲ့ နှလုံးသားရဲ့ အဝတ်စုတ်နဲ့
လှောင်ပြောင်လိုက်
မထိလေးစား စပ်ပူစပ်လောင် ဝလန်အောင်
သရော်လိုက်မယ်။
ကျုပ်ဝိညာဉ်မှာ ဆံဖြူတစ်ပင်မရှိဘူး
အဘိုးအိုဆန်တဲ့ နူးညံ့ သိမ်မွေ့မှုမျိုး ဝေလာဝေး၊
ခွန်အားပြည့်ဝတဲ့ အသံနဲ့ လောကကို ထစ်ချုန်းလို့
ကျုပ်သွားနေတယ်၊ လူချော လူလှ
နှစ်ဆယ့်နှစ်နှစ်သားကလေး။
လူသိမ်လူမွေ့တို့
ခင်ဗျားတို့က ချစ်ခြင်းမေတ္တာကို တယောပေါ်
တင်ကြတယ်။
အရိုင်းအစိုင်းတို့ကတော့ မေတ္တာကို ဗုံပေါ်
တင်ကြရဲ့။
ဒါပေမယ့် ထူထဲထဲ နှုတ်ခမ်းတွေချည့်
ဖြစ်သွားအောင်
ကျုပ်လို ပြောင်းပြန် လှန်ပစ်ဖို့တော့
တတ်နိုင်မယ် မဟုတ်ဘူး။
ပိုးဖဲထည်လွှမ်း ဧည့်ခန်းထဲက
ပညာယူဖို့ ထွက်လာခဲ့ကြ။
နတ်မျိုးနွယ်ဂိုဏ်းဝင် ဗျူရိုကရက် ကိုလူချောတို့။
ထမင်းချက်ဟာ ချက်ပြုတ်နည်းစာအုပ်
စာမျက်နှာတွေ လှန်သလို
နှုတ်ခမ်းတွေကို ငြိမ်ဆိတ်ဆိတ် လှန်လှောတတ်သူတို့။
ဆန္ဒရှိကြရင်ဒေါသမာန်ထန်ပြင်းတဲ့ သွေးနဲ့သားနဲ့ ဖြစ်ပြမယ်။
ပြီး ကောင်းကင်လို အသံပြောင်းလို့မို့
ဆန္ဒရှိကြရင်ပြောစရာ မရှိအောင် နူးညံ့ပြလိုက်မယ်။
ယောင်္ကျားမဟုတ်-ဘောင်းဘီဝတ် မိုးတိမ်ရယ်လို့။
ပန်းဝေဝေနဲ့ နိဆရှိတယ်လို့ ကျုပ်မယုံဘူး
တခါထပ်ပြီး ကျုပ် ဟိမဝန္တာ ချီးကျူးခန်း
ဖွင့်လိုက်ဦးမယ်ဆေးရုံလို လျောင်းစက်နေကြတဲ့ ယောင်္ကျားတွေကို
စကားပုံလို ဟောင်းမြင်းနေတဲ့ မိန်းမတွေကို။

ဇာတ်မျော

စိတ်လိုလက်ရလေး နေခဲ့ပါစေကွယ်
မျက်ရည်မခိုင်ဘဲနဲ့တော့
နေရာဟောင်းလေးဆီ ဘယ်လိုပြန်သွားရနိုင်မလဲ။
ရာသီဥတုတွေ ကိုယ့်ဘက်ပါကတည်းက
အသည်းကွဲခြင်းမှာ မွေ့လျော်ဖို့ကို
ငါ့ကိုယ်ကို ကဗျာဖွဲ့ပြီး
ယဲ့ယဲ့လေး လည်စင်းစောင့်နေခဲ့သူပါ။
ဘာမှမလိုချင်ဘူးချစ်သူ
ရဲရဲကြီး ခုတ်ဖြတ်ထားရစ်ခဲ့တော့
တောင်စွယ်နေကွယ်ချိန်မှဆို
မင်းကိုဘယ်သူပြန်ပို့မလဲ
အမှောင်ညထဲ ငါသေလည်း စိုးထိတ်နေဦးမယ်။
တစ်ဘဝလုံးနဲ့ ]က} ခဲ့တာတောင်
ဇာတ်ညွှန်းဖတ်ခွင့်မရတဲ့ ပြဇာတ်ကို
ဘယ်နှစ်ယောက်မြောက် ငါ ]က} မိတာလဲ
အဲဒီခေါင်းစဉ်
]အချစ်} လို့ နင်မတပ်လိုက်ခင်အထိ
ခုတော့
ပိပိရိရိ အလှည့်စားခံ။
သစ္စာပိုင်စိုး

ဝေးကျန်ခဲ့နေ့

အမုန်းမှာ ဘယ်နှခါ လွမ်းရမယ်
မှာတမ်း မရခဲ့သူ။
ကိုယ့်နှစ်ဆယ့်လေးနာရီ ကမ်းလုံးပြည့်
စပယ်တွေ တဖွေးဖွေြးွေကခန်း
ဘယ်အနမ်းနဲ့မှ မကြေတော့။
သစ္စာတရား အပြိုအပျက်ကြား
ဆွဲမိဆွဲရာ ကိုယ့်ကဗျာအစအနတွေ
အငြိုးနဲ့ ကျွမ်းလောင်။
ရွတ်ဆိုနေကျ
နာမည်လေး ပြေးထွက်အသွားမှာ
ပဲ့တင့်သံတွေ ပြန်မလာဘူး
ရယ်ရင် ပေါ့ပေမယ့်
ငိုပြီး လေးနေမိ။
ကမ္ဘာ့ကြေကွဲစရာများထဲ
ကိုယ့်ရင်နင့်မှု အပြင်းဆုံး
ဒီနေ့သတင်းစာမှာ မပါတာကလွဲရင်
ကိုယ့်အသည်းကွဲခြင်း
တခမ်းတနား ကြီးကျယ်တယ်။
သစ္စာပိုင်စိုး

ဇေယျာလင်းအရေးအသားလို မိန်းမ

အနေအထိုင် မတတ်သူ
စာရွက်လှန်လိုက်မိတာက ငါ့အမှား
အဓိပ္ပါယ် ရွဲ့စောင်းလို့
ဝမရှိပဲဝိလုပ်ချင်တဲ့ ရုပ်တု
မင်းဟာ..ငါမကြိုက်တော့တဲ့ ကဗျာ
ငါမကိုးကွယ်နိုင်တဲ့ ဘာသာရေး
ရှင်ပြောတော့ ကျွန်မကရှင်မဖဲ့နွဲ့နွိုင်တဲ့ သင်္ကေတဆို
ငါ
ဆွဲဆောင့်လိုက်ရရင် ပွင့်ထွက်သွားတော့မယ်
ပြောင်းလဲခြင်းဟာ အမှန်တရား
အနိစ္စကို စာလုံးမှန်အောင် မပေါင်းတတ်ဘဲ
နထ္ထိဝါဒအကြောင်း လာမပြောနဲ့
အချစ်မရှိဘူးဆိုရင် ကျွန်မသတ်သေလိုက်တော့မယ်
ဘာလဲ
မင်းက ဆီလီယာပလာသ့်မို့လို့လား
အနုပညာနဲ့ အတင်းပြောတာ
လှပတဲ့ အောက်တန်းကျမှုပဲ
ရော့ခ်.....ရော့ခ်
ရှင်ကျွန်မကို စိတ်ဆင်းရဲအောင် မလုပ်နဲ့
ရော့ခ်.....ရော့ခ်
အစွယ်အဖွေးသားနဲ့
မြွေဟောက်လို မိန်းမ
မင်းလေသံကို ကီးချိန်းစမ်း
မင်းလျှာကို ခေါက်ထားစမ်း
ကျွန်မတို့ ရင်ကြားစေ့လို့ မရနိုင်တော့ဘူးလား
မိတ္တဗလ ဋီကာစာသားတွေ
လူမှုဆက်ဆံရေး သင်တန်းမှာ သွားပြော
ငွေေ ကြး လိင်န့ဂဲုဏ်ဒြပ်
မိန်းမတွေ အလိုရှိတာ ဒါပဲမဟုတ်လား
အမှန်တရားမို့ နားခါးမယ်
ငါ့ကို
အဲ့ဒီမြွေမျက်လုံးမျိူးနဲ့ မကြည့်နဲ့
ကိုယ့် အဓိပ္ပါယ်နဲ့ ကိုယ်နေ
အဖြစ်မှန်ကို မြင်အောင်ကြည့်
အိမ်ထောင်ရေးဆိုတာ
လူနှစ်ယောက်အပြန်အလှန် စစ်ကြေငြာခြင်းပဲ
အချစ်ဆိုတာ
ယာယီ အပစ်အခတ် ရပ်စဲထားခြင်းပဲ
ငါဟာ
ပေါက်ကဖွဲို့ အသင့်ဖြစ်နေတဲ့
ဗုံးတစ်လုံး
ရက်စ်အော်နိုး
ဒူးအော်ဒိုင်း
ဗို့အား ၆၆၀ဝ
သတိ အန္တရယ်
သေတတ်တယ်။
အောင်ရင်ငြိမ်း

ဒီအခန်းကို မင်းမဝင်ရဘူး ရိုစီ

ဒီအခန်းကို
မင်းမဝင်ရဘူး ... ရိုစီ။
ဒီအခန်းဟာ
ကမ္ဘာဦးကျမ်းရဲ့
ပထမဦးဆုံးသော သင်ခန်းစာ
ဒါပေမယ့်
ငါ့အခန်းကို
မင်းမဝင်ပါနဲ့ ... ရိုစီ။
ကမ္ဘာဦးအစကတည်းက
ဒီအခန်းကြောင့်
လူသားတွေ အားလုံး
စီးကရက်တစ်လိပ်လို
လောင်ကျွမ်းခဲ့ကြ။
ဒီအခန်းဟာ
ကမ္ဘာမြေရဲ့ ငြိမ်းချမ်းရေး
အနုပညာ
သစ္စာတရားနဲ့
အခြား ... အရာများစွာကိုလည်း
မွေးဖွားပေးခဲ့။
သန့်စင်မွန်မြတ်တဲ့ ..ဒီအခန်း
ကြီးကျယ်ခမ်းနားတဲ့ ..ဒီအခန်း
ဆာလောင်မွတ်သိပ် ယုံကြည်စွာ
မင်းနဲ့ငါ
ရင်ဆိုင်ဖြတ်သန်းချင်ပေမယ့်။
ရိုစီ
အဘယ်မျှ ချိုမြိန်သော
သစ်သီးတစ်လုံးဖြစ်စေ
ဘုရားသခင်တားမြစ်ခဲ့တဲ့
ဒီအခန်းအတွက်
ငါတို့...
ရင်ဘတ်တစ်ခြမ်းနဲ့
လွမ်းနေကြမယ်။
သက်ဝေကိုကို

ဒုတိယတန်းစား

ကျွန်တော့် ရင်အုံလှောင်ချိုင့်မှာ
ခြင်္သေ့တစ်ကောင် ရှိပါတယ်
သူက ...
ကျွန်တော့် စကားနွမ်းတွေကို
မစားသုံးချင်ဘူးတဲ့။
ကောင်းကင်ရဲ့အောက်မှာ
လတ်ဆတ်တာ ဘာမှမရှိဘူးလို့
ဖြောင့်ဖျတာတောင်မှ
သူက .. မကျေနပ်နိုင်ဘူး။
ကျွန်တော့်ကို
တစ်ချိန်လုံးကုတ်ခြစ်ကာ
ဟိန်းဟောက်လိုက်
တောင်းပန်လိုက်နဲ့ပါပဲ။
ကဲ ...
မီးတောင်လို ပေါက်ကွဲလို့
သူ ..
လွတ်လာပြီဆိုပါစို့ ..။
ဘယ်မှာလဲ ... သူ့ကောင်းကင်
ဘယ်မှာလဲ ... သူ့လွင်ပြင်။
သူက အရိုင်းဆန်တယ်
ကျွန်တော့်လို လိုက်လျောညီထွေ
မနေတတ်ဘူး၊
ဆင်ခြေဖုံးရပ်ကွက်က
ထပ်ခိုးလေးတစ်ခုတောင်
သူ ခိုလှုံဖို့ ရမှာမဟုတ်ဘူး။
ကျွန်တော့်လို ဒုတိယတန်းစားတွေနဲ့
မပတ်သက်ချင်ပါဘူးလို့
သူဘယ်လောက်ပြောပြော
သူ့ထွက်ပေါက်ကို ပိတ်ထားရမှာပဲ။
နာကျင်၊ မောပန်း၊ လေးလံ
အာရုံတွေ ကန်းခဲ့ပြီ ...။
ပျံသန်းနေတဲ့
တိမ်တိုက်တွေမြင်ရင်တောင်
အားကျရမှန်းမှ မသိ
ထုံပေပေစိတ်နဲ့သာ
ကြည့်နေမိတော့တယ်။
ခုနေများ ...
တန်ခိုးရှင်တစ်ပါးက
ပျော်စေသတည်း လို့
ကောင်းချီးပေးရင်တောင်
နှစ်များစွာက အေးခဲခဲ့တဲ့
မျက်ရည်တွေသာ
ပျော်ကျလာမယ် ထင်ပါရဲ့ ...။
တင်မင်းထက်
(စက်မှုတက္ကသိုလ်မှ အမည်မသိကဗျာစာအုပ်)